«Адміністратыўныя» вынікі 2022-га: 476 сутак арыштаў, 12640 рублёў штрафаў

Адміністратары адной з віцебскіх суполак у Фэйсбуку падсумавалі вынікі працы судоў Віцебску і Віцебскага раёну, дзе сёлета разбіралі справы па самых «папулярных» артыкулах – 24.23 і 19.11 КаАП. Праўда, з агаворкай: не знайшлі дадзеных за студзень 2022-га, і дадзеныя за снежань 2022-га можна будзе даведацца толькі ў пачатку наступнага году.

Такім чынам, толькі за 10 месяцаў гэтага году ў Віцебскім рэгіёне было прысуджана 12 640 рублёў штрафаў, 476 сутак арыштаў, 122 гадзіны грамадскіх працаў. Праўда, не менш як 7 разоў суды спынялі адміністрацыйныя справы.

Самымі «ураджайнымі» былі лістапад і ліпень – па 11 судовых пастановаў з пакараннямі. Усяго за 10 месяцаў было складзена 49 адміністрацыйных пратаколаў: 21 пратакол за «несанкцыянаванае пікетаванне» (арт. 24.23 КаАП) і 27 пратаколаў за «распаўсюд экстрэмісцкіх матэрыялаў» (арт. 19.11 КаАП).

Што да сацыяльнага статусу пакараных, то сярод іх былі і пенсіянеры, і лекары, і служачыя розных, у тым ліку дзяржаўных установаў, а таксама двое журналістаў.

https://vkurier.news/za-perasylku-persanalnyx-dadzenyx-u-telegram-byloga-vicebskaga-silavika-asudzili-na-2-5-gady-kalonii/

Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!