Мікалай Статкевіч у медсанчастцы, да яго не пускаюць адваката
Пра гэта стала вядома Марыне Адамовіч, жонцы зняволенага палітыка. «У яго пнеўманія. Пасля трох ранейшых кавідаў. Я не хвалююся – я крычу», напісала спадарыня Марына ў Фэйсбуку. Мікалай Статкевіч асуджаны да 14 гадоў зняволення паводле ч. 1 арт. 293 Крымінальнага кодэксу (Арганізацыя масавых беспарадкаў). Палітвязень знаходзіцца ў Глыбоцкай папраўчай калоніі №13, і забарону сустрэч з адвакатам адміністрацыя ПК называе «клопатам пра здароўе» апошняга.
Марына Адамовіч не выключае, што муж знаходзіцца ў кепскім стане, і менавіта таму яго хаваюць ад чужых вачэй. Яна піша, што ў апошнім лісце ад 10 лістапада палітвязень паведамляю, што «падчапіў нейкі вірус». І нягледзячы на гэта, ужо назаўтра 11 лістапада, яго выклікалі на камісію, каб чарговы раз адправіць у ШІЗА. Калі Мікалай Статкевіч трапіў у медсанчастку, жонка не ведае. Але лістоў пасля першага паведамлення пра хваробу яна больш не атрымлівала.
«Што трэба было рабіць гэтыя два тыдні, наколькі трэба было ігнараваць стан чалавека, каб ён, у выніку, апынуўся ў медсанчастцы? Якім «кранальным» мусіць быць клопат пра яго здароўе зараз, каб не пусціць да яго адваката? Сябры, калі ласка, пажадайце Мікалаю здароўя. Хто можа, памаліцеся за яго. Калі ласка!» — звяртаецца да ўсіх неабыякавых людзей жонка палітвязня Мікалая Статкевіча.
https://vkurier.news/bolsh-za-mesyac-nyama-listo-ad-palitvyaznya-mikalaya-statkevicha/
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
