Украінскі горад Мікалаеў разарваў адносіны з беларускім Браславам
Мікалаеў спыняе супрацоўніцтва з беларускімі гарадамі Браслаў. Пра гэта заявіў гарадскі кіраўнік Мікалаева Аляксандр Сінкевіч у сваім афіцыйным тэлеграм-канале https://t.me/senkevichonline/1216. Ён паведаміў, што Мікалаеў акрамя Браслава спыняе супрацоўніцтва і з Магілёвам.
«Адпаведныя лісты мы ўжо накіравалі ў адрас выканаўчых камітэтаў гэтых гарадоў» — заявіў украінскі кіраўнік горада.
Таксама Сінкевіч абгрунтаваў сваё рашэнне:
«Ва ўмовах, калі Беларусь не проста падтрымлівае расейскую вайну супраць нашай краіны, але дае войскам РФ сваю тэрыторыю для назапашвання ваеннай тэхнікі і абстрэлаў украінскіх гарадоў балістычнымі і крылатымі ракетамі, ніякага супрацоўніцтва паміж намі не можа быць».
На думку Аляксандра Фёдаравіча, «з тымі, хто стварыў вакол сябе злачынны аўтарытарны свет, нам не па дарозе», таму што ўкраінцы цэняць сваю свабоду і ўжо 8 гадоў плацяць за яе звышвысокую цану — жыццямі ўкраінцаў.
«Беларускі народ, ты абавязкова здабудзеш сваю незалежнасць! Твой час прыйдзе, і мы пабудуем новыя партнёрскія адносіны», — дадаў мэр Мікалаева.
Віцебская грмамадская актывістка Станіслава Цярэнцьева дапамагае Ўкраіне і ўкраінцам
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
