Улады Браслава закрылі «Майстэрню братоў Лабуць», якая дапамагала інвалідам

Автор:
Опубликовано:
19
Ноябрь
2021
Комментарии: нет комментариев
Рубрики: Витебская область Политика


21 кастрычніка Браслаўскі райвыканкам ліквідаваў cацыяльна-інфармацыйную ўстанову «Майстэрня братоў Лабуць». Закрытая ўладамі ўстанова давала ўнікальны анлайн сэрвіс для замовы і аплаты прадуктаў уласнага вырабу прадстаўнікам сацыяльна ўразлівай групе грамадзян. Браты Лабуці былі вядомыя тым, што цягам некалькіх гадоў праводзілі адзіны ў краіне пляжны оўпэн-эйр «Viva Braslav».

Два браты – Алег і Яўген Лабуці – нарадзіліся і выраслі ў Браслаўскім раёне.

СІУ «Майстэрня братоў Лабуць» праіснавала крыху больш за год, але была сапраўды інавацыйнай у сферы аказання інфармацыйных і іншых паслуг людзям з інваліднасцю. У сакавіку 2021 году «Майстэрня братоў Лабуць» стала пераможцам Другога рэспубліканскага конкурсу ініцыятыў па развіцці прадпрымальніцтва. Гэты конкурс быў праведзены ПРААН у рамках праекта «Падтрымка эканамічнага развіцця на мясцовым узроўні ў Рэспубліцы Беларусь». І быў прафінансаваны Еўрапейскім саюзам у партнёрства з Міністэрствам эканомікі Рэспублікі Беларусь.

У недалёкім мінулым улады заяўлялі аб развіцці рэгіёнаў з улікам унікальных канкурэнтных пераваг тэрыторый і стымулявання дзелавога патэнцыялу насельніцтва ў фокусе інтарэсаў сацыяльна-эканамічнай палітыкі краіны на бліжэйшыя пяць гадоў. Памяняліся: прыкладам негатыўнага развароту палітыкі ўладаў можна лічыць закрыццё перспектыўнай браслаўскай установы, здольнай у сваім патэнцыяле садзейнічаць развіццю малога прадпрымальніцтва ў Віцебскім рэгіёне, піша vitebskspring.org.

5 сутак арышту за фота ў нямецкай форме – тэатральным касцюме. Прысуд набыў законную моц

Метки: , ,
Комментарии: