Віцебскі абласны суд ліквідаваў аршанскае моладзевае аб’яднанне «Звяз»

Автор:
Опубликовано:
8
Сентябрь
2021
Комментарии: нет комментариев
Рубрики: Витебская область Политика


8 верасня Віцебскі абласны суд задаволіў пазоў галоўнага ўпраўлення юстыцыі віцебскага абласнога выканаўчага камітэту да аршанскага моладзевага абʼяднання «Звяз». Сваёй пастановай суддзя Марына Острыкава прыняла рашэнне ліквідаваць арганізацыю. Прадстаўнік «Звязу» у суд не зʼявіўся. Кіраўнік «Звязу» – вядомы аршанскі актывіст Ігар Казмерчак.

У сваім пазове ўпраўленне юстыцыі ўказала, што моладзевае абʼяднанне «Звяз» парушае патрабаванне ч. 6 арт. 24 Закону «Аб грамадскіх абʼяднаннях» (1994г.). Нібыта ад 2018 году абʼяднанне не падавала ў орган рэгістрацыі штогадовую інфармацыю аб працягу сваёй дзейнасці, колькасці сябраў і спісаў выбарных органаў, не падавала таксама звесткі аб праведзеных імпрэзах.

14 траўня 2021 году МА «Звяз» было вынесенае пісьмовае папярэджанне пра неабходнасць выпраўлення парушэнняў, аднак патрабаванне не было выкананае. Гэта акалічнасць і была падставай для звароту ў Віцебскі абласны суд з пазовам аб ліквідацыі абʼяднання.

У судовым паседжанні прадстаўніца ўпраўлення юстыцыі пазоў падтрымала, прасіла суд заяўленыя патрабаванні задаволіць у поўным абʼёме.

Заслухаўшы тлумачэнні прадстаўніцы пазоўніка і даследаваўшы пісьмовыя доказы, суд прыняў рашэнне пазоў задаволіць. На падставе арт. 29 Закону «Аб грамадскіх аб’яднаннях» і кіруючыся арт. 300 і 306 ГПК, суд пастанавіў ліквідаваць аршанскае моладзевае абʼяднанне «Звяз», зарэгістраванае ўпраўленнем юстыцыі Віцебскага аблвыканкаму.

Рашэнне Віцебскага абласнога суду можа быць абскарджанае ў Вярхоўным судзе РБ у 15-дзённы тэрмін, піша vitebskspring.org.

У Віцебску пачаўся працэс над Алегам Баразной і Аляксандрам Мацеюком

Метки: ,
Комментарии: