Віцебскі абласны суд прыгаварыў палітвязня да 6,5 гадоў пазбаўлення волі

Прысуд агучыў 5 снежня 2022 года суддзя Яўген Буруноў, які ў закрытым рэжыме асудзіў палітвязня Дзмітрыя Каханоўскага па ч. 3 арт. 352 («Неправамернае завалоданне камп’ютарнай інфармацыяй»), ч. 3 арт. 130 («Распальванне іншай сацыяльнай варожасці або варожасці»), ч. 3 арт. 203-1 («Незаконныя дзеянні ў дачыненні да інфармацыі аб прыватным жыцці і персанальных дадзеных») Крымінальнага кодэкса. На пачатку студзеня палітвязень быў этапаваны ў Наваполацкую ПК №1.

Зміцер быў змешчаны ў СІЗА-1, на пачатку лістапада 2022 года, адкуль яго перавезлі ў Віцебскі абласны СІЗА-2.

Паводле абвінавачання, мужчына нібыта «здабываў з базы асабістыя дадзеныя сілавікоў, дзяржслужачых, суддзяў». Следства сцвярджае, што ўсяго было 46 падобных эпізодаў.

На пачатку бягучага года Камітэт дзяржаўнай бяспекі ўнёс палітвязня ў спіс «асоб, якія маюць дачыненне да тэрарыстычнай дзейнасці».

Да крымінальнага пераследу Каханоўскі працаваў інжынерам-сістэматэхнікам Магілёўскага аддзялення «Белтэлекама». Ён быў затрыманы на працоўным месцы і быў арыштаваны 28 кастрычніка 2021 года.

Мужчына жанаты і зараз без бацькоўскай апекі засталося малалетняе дзіця.

Падтрымаць палітвязня лістамі ці паштоўкамі можна па адрасе: Дзмітрыю Леанідавічу Каханоўскаму, ВК № 1, вул. Тэхнічная, 8, 211440, г. Наваполацк, Віцебская вобласць.

https://vkurier.news/pad-chas-sudu-figurant-spravy-rabochaga-ruxu-14-dzyon-trymae-galado-ku/

Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!