Віцяблянін Павел Нікіценка прызнаны палітвязнем

Автор:
Опубликовано:
27
Август
2022
Комментарии: нет комментариев
Рубрики: Витебск Политика


35-гадовы супрацоўнік касава-разліковага цэнтру асуджаны да да 4,5 гадоў калоніі. Віцебскі абласны суд прызнаў яго вінаватым па шасці артыкулах Крымінальнага кодэксу: ч. 3 арт. 203-1 (парушэнне таямніцы перапіскі, тэлефонных перамоваў, тэлеграфных ці іншых паведамленняў), ч. 3 арт. 293 (навучанне і іншая падрыхтоўка асобаў для ўдзелу ў масавых беспарадках), арт. 342 (актыўны ўдзел у дзеяннях, якія груба парушаюць грамадскі парадак), ч. 1 арт. 361-1 (кіраўніцтва экстрэмісцкім фарміраваннем), арт. 368 (абраза Лукашэнкі) і арт. 369 (абраза прадстаўніка ўлады).

Цяпер Нікіценка знаходзіцца ў віцебскім СІЗА- 2. Паводле матэрыялаў справы, у перыяд з ліпеня 2020 года па 15 лістапада 2021 года ён незаконна сабраў і распаўсюдзіў інфармацыю аб прыватным жыцці і персанальных дадзеных службовых асоб дзяржорганаў, членаў іх семʼяў, іншых грамадзян. За тры гады Нікіценка скапіяваў з інфармацыйнай сістэмы персанальныя дадзеныя амаль 1,5 мільёна грамадзян Беларусі. Таксама ён зʼяўляўся адміністратарам дэструктыўнага Telegram-канала і размяшчаў у сетцы інтэрнэт інфармацыю з заклікамі і ўказаннямі аб здзяйсненні групавых дзеянняў, што груба парушаюць грамадскі парадак; інструкцыю па здзяйснення супрацьпраўных дзеянняў у дачыненні да супрацоўнікаў праваахоўных органаў; абразы на адрас Лукашэнкі і старшыні Цэнтральнай камісіі Беларусі.

Падчас судовага разбіральніцтва ён прызнаў сваю віну часткова. Апрача пакарання ў выглядзе 4,5 гадоў пазбаўлення волі, Павел Нікіценка мусіць выплаціць штраф памерам 3200 руб. Суд таксама задаволіў патрабаванні аднаго з пацярпелых наконт кампенсацыі маральнай шкоды ў суме 1000 руб.

Павел Нікіценка – выпускнік віцебскага дзяржаўнага тэхналагічнага каледжу, скончыў аддзяленне «Інфармацыйныя сістэмы і тэхналогіі», завочна навучаўся ў віцебскім тэхналагічным універсітэце і працаваў праграмістам. З 2017г. ягоным месцам працы быў абласны разлікова-даведачны цэнтр. Нікіценку затрымалі летась 24 лістапада і змясцілі пад варту, пры затрыманні ён быў моцна збіты, і яго здароўе да гэтага часу не аднавілася.

vitebskspring.org

Патрэбная хуткая падтрымка для палітвязня Паўла Нікіценка!

Метки: , ,
Комментарии: