За распаўсюд «экстрэмізму» ўлады арыштавалі віцебскага праграміста
Суддзя суда Першамайскага раёна г. Віцебска Міхаіл Юрчанка 13 верасня за распаўсюджванне ў сацыяльнай сетцы экстрэмісцкіх матэрыялаў пастанавіў пакараць арыштам на 7 сутак інжынера-праграміста Аляксея Сядзяку.
У судовым паседжанні было ўстаноўлена, што Аляксей у 2020 годзе ў сацыяльнай сетцы “УКантакце” размясціў на сваёй старонцы відэазапісы, раней апублікаваныя ў суполцы «TUT.BY», якія раней улады ўнеслі ў рэспубліканскі спіс экстрэмісцкіх матэрыялаў. Правапарушальнік указаў, што ў пратэстнай дзейнасці супраць дзяржавы не ўдзельнічаў, і цяпер выдаліў названую прадукцыю.
Грунтуючыся на матэрыялах справы і на тлумачэннях мужчыны, суддзя Юрчанка ў межах ч.2 арт.19.11 КаАП пакараў Сядзяку адміністрацыйным арыштам на 7 сутак.
https://vkurier.news/za-padpisku-sacsetkax-na-ekstremiscki-infaresurs-lady-ashtrafavali-zhyxarku-talachyna/
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
